¬»آفهّمّـטּـيًً ٺمڷڪنّـيً
~┐ نائبۓ صاحب الموقع ~♥
عدد المساهمات : 25
« gلأدتــي هنـاآ» • : 05/03/2011
العمر : 584
 | | موضوع: رد: تقديم مباراة الهلال والنصر الجولة 23 دوري زين للمحترفين 2011 الجمعة أبريل 22, 2011 12:51 pm | |
|
 قبل لا نبدأ خلوني اخذ بكم لفه في مشوار الهلال في هالدوري :
لعب الهلال 22 مباراة اول مباراة لنا كانت مع التعاون وقتها فاز الهلال
بهدف واحد من عبداللطيف الغنام ..
ثمن لعبنا مع الحزم وفزنا عليهم ثنين صفر جابوا الاهداف طلق المحيا ونيفيز ..
بعد هالمباراة قابلنا الفيصلي وكان اول فريق نصكه بالخمسة  هالموسم
اصبروا خلوني اعدد عليكم اللي جابوها اول واحد جابه رادوي ثمن ابو عزوز
ثمن الاشقراني ثمن ابو عزوز ثنين ..
بعدها قابلنا الوحدة وفزنا عليهم بثلاثه الأهداف جاب الاشقراني واحد وابو عزوز واحد
وطلق المحيا بعد ماقصر وسجله في فريقه القديم..
بعدها قابلنا الإتفاق وفزنا عليهم بهدف يتيّم جابه ويلي ..
ثمن قابلنا الأصفراني وتعادلنا معهم تعادل إيجابي وجاب هدفنا طلق المحيا ..
وذا المباراة كانت اخر مباراة لجيريتس معنا بعدها استلم فريقنا ستامب ولعبنا مع
الرائد وصكيناهم بأربعة يعني كأن ستامب يقول لجيريتس تراك موب اشطر مني
بعدها تعادلنا مع القادسية تعادل سلبي .. ثمن لعبنا مع الأهلي وتعادلنا ثلاثه ثلاثه
جابوا الأهداف نيفيز .. وطلق المحيا .. ورادوي ..
ثمن جاء كالديرون ولعبنا مع نجران وفزنا عليهم 3 جابوا اهدفنا رادوي والفريدي وعزوز الدوسري ..
بعدين لعبنا مع التعاون وتعادلنا تعادل إيجابي اثنين اثنين اهدافنا جابوها ابو عزوز
ورادوي..
بعدها قابلنا الحزم وفزنا عليهم بهاتريك من ابو عزوز ..ثمن قابلنا الفتح فزنا عليهم
اثنين الأهداف من نيفيز وابو عزوز ..
بعدها قابلنا الفيصلي انتهت المباراة بـ 3 _ 2 للهلال جابوا الأهداف لي يونغ ونيفيز
وابو عزوز .. هالمباراة كانت اخر مباراة لنيفيز معنا 
راح نيفيز وبدت المفاوضات مع لاعبين حددهم الجهاز الفني ثمن صملنا على اللاعب المصري
احمد علي .. بعد ما اعلنوا الإدارة انهم تفاوضوا مع لاعب مصري بدوا الجماهير يتخززون
ومانبي مصري بعد نيفيز ومدري ايش .. المهم انه جاء ..
نكمل مشوار الهلال ..بعد الفيصلي قابلنا الإتحاد وتعادلنا معهم تعادل سلبي ..
بعدها فزنا على الوحدة 2 _ 1 جابوا الأهداف الأشقراني والأسمراني نواف العابد .. ثمن قابلنا
الشباب وفزنا عليهم 2 _ 0 جابوا لنا الأهداف العابد والشلهوب ..
ثمن قابلنا الفتح وفزنا عليهم 2 _1 جابوا اهدافنا رادوي والمرشدي بالغلط
ثمن لعبنا مع الأهلي وتعادلنا 1 _ 1 جابه ويلي .. بعدها قابلنا الإتحاد وتعادلنا تعادل سلبي ..
بعدها لعبنا مع الإتفاق وفزنا عليهم 3 _ 2 احمد علي وكان اول هدف له في مباراة كانت مجنونة
ثمن سجل الشلهوب ثمن ابو عزوز ..
واخر مباراة لنا مع الشباب فزنا عليهم 2 _ 1 جابوها ويلي وحماده
عاد الهلال ما ابطى جايبن خمسة على الوحدة في النهائي .. كيف الحال يالنصر pb024 النصرآويين في مشوآرهم في دوري زين هالسنه وصلوآ لـ 40 نقطه ,
افتتحوآ مشوآرهم للدوري بقيآدة المدرب زينقآ مع نجرآن في الريآض وفآز النصر 1-0 جآبهآ محترفهم بيتري
ثم ألعبوآ مع الفتح برضوآ في الريآض وقدروآ يفوزون على الفتح بربآعية
مقآبل هدفين جآبوهآ إبرآهيم غآلب والسهلاوي هدفين وخآلد الزيلعي
بعدهآ لعبوآ الأسبوع الثآلث في بريده لمآ استضآفهم نآدي التعآون وانتهت نتيجة المبآرآة
بالتعآدل الإيجآبي 2 -2 جت عن طريق سعد الحآرثي ومحمد السهلاوي في وقت بدل الضآئع ..
بعدهآ لعب النصر مع الشبآب في استاد الملز وانتهت المبآرآة سلبيه من غير أهدآف ,
ثم لعب مع الفيصلي في المجمعه وبرضو تعآدلو معهم 1-1 ,وبعدهآ لعبوآ مع القآدسيه في الخبر
وفآزوآ عليهم 3 -1 عن طريق فيقآروآ وعبد الرحمن القحطآني والسهلاوي ,
وبعدهآ إستضآفوآ الوحده على أرضهم واستقبلوآ أول خسآره لهم لمآفآز الوحده عليهم 1 /0
ثم بعدهآ لعبوآ مع الرآئد في بريده وانتهت المبآرآة بالتعآدل 1-1 , رجع
بعدهآ النصر في الأسبوع التآسع في الدوري واللي لعبه قدآم الأهلى في الريآض وقدر
يتغلب عليه بهدفين مقآبل هدف سجلهآ ريآن بلآل ومحترفهم الرومآني بيتري ..
جآ بعدهآ الأسبوع العآشر في الدوري اللي لعبوآ فيه النصرآويين مبآرآتهم مع هلالنآ
واللي انتهت بالتعآدل الإيجآبي 1-1 سجلهآ القحطآني للنصر والمحيآني للهلال ..
بعدهآ إلتقى النصر مع الإتفآق في الريآض واللي قدر من خلالهآ كسب النتيجه بهدفين لهدف جت
عن طريق ريآن بلال , ثم رجع بعدهآ ولعب مع الحزم في الرس وقدر يصكه بخمسه مقآبل هدفين
جت عن طريق فيقآروآ هدفين وريآن بلال هدفين وبيتري , بعدهآ استضآف
الوصيف الإتحآد وانتهت المبآرآه إيجآبيه 1-1 ..
جآ بعدهآ الدور الثآني واللي استضآف النصر فيه نجرآن في استآد الملز وقدر يفوز عليه ب ستة
أهدآف مقآبل هدف , بعدهآ لعب مع الفتح وانتهت المبآرآة بالتعآدل الإيجآبي 1-1 , ثم استضآف التعآون في الملز
وانتهت المبآرآة بالتعآدل الإيجآبي 2-2 واللي كآنت آخر مبآرآة يقودهآ الإيطآلي زنقآ مع النصر ..
تعآقد النصر بعد زنقآ مدربهم الحآلي درآغآن اللي مسك الفريق وتم بعده استقطآب النجم بدر المطوع كأجنبي رآبع
للنصر بدلآ عن الرومآني رآزآفآن ..
بعدهآ لعب النصر مع الشبآب في استآد الملك فهد وتلقى خسآرته الثآنيه بالدوري بهدفين مقآبل صفر , بعدهآ
استضآف الفيصلي وقدر يتغلي عليه ب3 أهدآف مقآبل هدفين , ثم استضآف بعد الفيصلي القآدسيه
وانتهت المبآرآة سلبيه , ثم طآر لمكه ولعب مع الوحده وقدر يتغلب عليه بـ 3 أهدآف مقآبل هدف ,
رجع بعدهآ استضآف الرآئد وقدر يتغلب عليه بهدف عن طريق المدآفع عمر هوسآوي , لين بعدهآ لعب مع الأهلي واللي كآنت
آخر مبآرآة يلعبهآ النصر حتى الآن في الدوري واللي كآنت في جده وانتهت نتيجتهآ بالتعآدل السلبي     في مباراة مشعلله جماهيريا كالعاده بيتقابلون الهلال والنصر طبعا
الهلال ومثل عادته مستحوذ على اغلب البطولات وماخلا لأحد شي ..
وهالدوري ماعاد بقى لنا فيه إلا 4 نقاط ونلهفه ويصير لنا إن شاء الله ..
عاد لاعبينا صدورهم مستاسعه بعد ماصكوا الوحدة بخمسة وطاروا بالكاس يعني
المعنويات فل ..
في هالمباراة الهلال افضل من النصر من ناحية الهجوم ومن ناحية تقديم كل واحد
فيهم في الدوري .
الهلال ماخسر ولا مرة واخواننا خسرانين مرتين وهالشي يعطي الأفضليه لنادينا الله
لايخلينا ..
المباراة بيصير فيها حذر من الفريق الأصفراني خصوصا بعد خمسة الوحدة        يدخلون الجيرآن معنآ هالمبآرآه برغبة كبيره إنهم يفوزون علينآ ويقتربون أكثر من المرآكز
الثلآث الأولى , ومنهآ علشآن يرضون جمهورهم خآصة بعد النتآيج الأخيره للفريق على
المستوى المحلي والآسيوي بعد ..
غير كذآ إن الجيرآن ودهم يكررون سينآريوآ دوري السنة المآضيه بمآ إنهم الفريق
الوحيد اللي قدر يفوز علينآ الموسم المآضي , بس مآظنيت إن هرمون التفآؤل بيطول معهم
خآصه لمآ يستوعبون حجم الغيآبآت في فريقهم ومستوى الفريق اللي مآيأهل ..
الجيرآن بيحآولون إنهم يدخلون حذرين علشآن مآينلقمون بهدف بدري علشآن مآتتلخبط
أورآقهم اللي عسآهآ تتلخبط فوق تحت ..
وفوق كذآ خمسة الوحده مخوفتهم شوي , مدربهم رآح يحتآر لإن إذآ قفل الدفآع
عنده مع احترآمي أي كلام , وإن فتح ملعبه قدآمنآ رآح فيهآ ..      
[/size] |
[/center] [/size][/color][/font]   الله يوفق الههههههههههلال يُ رب  
ونسسدح في مرماهم 5 اهدآآآف   [/center] | |
|
