مصطلحات لبعض مناطق المملكه..!
مصطلحات لبعض مناطق المملكه..
تسذا ... المعنى واضح يعني كذا ولازم تقولها وانت ماد براطمك لتحت
×××××××××××××××××××××××
بذا.... يعني بذا . هنا . " حط العشا بذا " يعني حط العشا هنا
×××××××××××××××××××××××
مير .... والله الورطه وش معناها ذي يعني ثم
×××××××××××××××××××××××
غديه او غديها .... يعني كوده او كودها ... (( يعني بيفهمون الثانيه )) مثل ما يقول الابو لولده التسبير " رح ادرس كود اخوانك يغارون منك ويذاكرون " او رح ادرس غديك تنجح باتسر وتطلع دختور ...
×××××××××××××××××××××××
صدز ..... يعني صدق والا صززيه يعني صدقيه
×××××××××××××××××××××××
زلابه .... يعني بطه مالها معنى ثاني
×××××××××××××××××××××××
دلخ ,,,,, غبي
×××××××××××××××××××××××
وفيه كلمه معناها " لا " بس صعب كتابتها ممكن تصير تسذا (( تسو )) ولازم تصر براطمك وتسحب لسانك جوا وتطلع معك الكلمه وممكن يطلع معها صفيره ,, وبعد فيه " ءء " وتطلع من الحلق مثل اذا جيتا لبزر وقلت له عطني الكوره بيقول لك " ءء " وبيرفع خشته فوووووق وهو يقولها ...
×××××××××××××××××××××××
هزع ... او تهزع يعني تطمر والا تنزل ,,, اللي تبي
×××××××××××××××××××××××
منهو .... من هو وانتهينا
×××××××××××××××××××××××
اشبك البلا فشكلك ..... مهيب تبعنا هذي حقت الحجاز (الملقوف )
×××××××××××××××××××××××
مهيب والا مهوب ... بالعربي ( ليس ) مثل " هذا التفتر مهوب لتس يانوير هذا التفتر لاختس دليّل "
×××××××××××××××××××××××
التفتر ...... الدفتر
×××××××××××××××××××××××
هق! وتي .... يعني ( اظن مثل " هقوتي انه فيذا " )
×××××××××××××××××××××××
توحي ..... تسمع ,,, اذا جيت تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه على يسمعك ) وبيقول لك من انت ولده ... الخ "
×××××××××××××××××××××××
ابووو ,,,,, هذي مالها معنى صزز بس ممكن تسمعها من البزران اذا قال واحدن منهم ابوو اللي شاف دوكفليد في الشارع امس (( يلعن ام النصاااااب )) وتسمع هالبزارين كلهم يقولون ااابوووو ,,,,, علشان ما يقهرهم .
×××××××××××××××××××××××
يوووووووووووووه نسيت اهم كلمه ... كتر ... ويقول الواحد لاخوه وهم يتغدون من صحن واحد " لا تاكل من كتري " تشلق
يعني تشلق وشلون اقولها ذي ؟؟؟؟ المهم عسكها غط .... اكيد واضحه يعني وانت تاكل فول فيه فرق بين انك تشلق شلق ولا تغط غط
×××××××××××××××××××××××
جغمه ,,,, يعني جغمه ! يعني اممممم شوي ( مثل تقول لاخوك وهو يشرب عصير ابي .. واخوك عيا .. تقول ابي جغمه بس )
×××××××××××××××××××××××
بصرك .... يعني بكيفك .... ( تقول لواحد تعال معنا ... ويقول لك لا منيب جاي .. ترد عليه "بصرك " )
×××××××××××××××××××××××
بعدي ...... مهوب بعدي يعني بعدي بس بعدي .... يعني مثلا يقول الابو لولده ,,, يعدي ابوي بس مدري وشلون تنشرح
×××××××××××××××××××××××
امصع ..... يعني اسحب بقووووووه مثل الام اذا قالت لولدها تراني بمصع اذنك لو ما ماقمت تصلي بوقتها
×××××××××××××××××××××××
امحق ... هذي محتارين فيها العلماء بس انشالله خير وبيطلعون لها تصريفات للماضي والمستقبل ,,,, واللي عنده مثل عن امحق يلحقني لاني تورطت بهالكلمه
×××××××××××××××××××××××
يدربي ...... يعني يدحرج .... مثل واحدن من الشباب اسمه مدربي رويسه ....
×××××××××××××××××××××××
كنادر .... جزمه ( الله يكرمكم)
×××××××××××××××××××××××
زبيريه ..... نوع من النعال وهو احسن مبيد للصوارير والضواطير ! والحشرات الزاحفه الاخرى
×××××××××××××××××××××××
سرسري ....... يعني سربوت سربوت ........ يعني داشر داشر ,,,,,,, يعني صايع في الشوارع وهو اسهل واحد يطيح في التتن تتن ......... دخان برندا ..... ميراندا,, لان اول واحد قالها في الرياض كان مزكم وقال براندا محلي ......... مصدي ياخزياه ....... اكثر من يقولها العجز الله يخليهم لنا ولا يحرمنا من حتسيهم ديرمه ....... روج الاولين يصطر ......... يصفق مثل ترا ابصطرك كف يعني بصفقك كف
×××××××××××××××××××××××
سواني ,,, رح للجنادريه وانت تعرف وشي ,, ترا مهيب السوق ...
×××××××××××××××××××××××
زبيل .,,, وانت رايح للجنادريه تشوف السواني اسئل عن الزبيل ( راح يقول لك السطل الاسود دايمن يحطون بووه التمر )
×××××××××××××××××××××××
سماط ,,, لا تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره
×××××××××××××××××××××××
منول ... بشد الواو يعني ( منـــوّل ) يعني من أول .. يعني من زمان
×××××××××××××××××××××××
دارسين (والا ناجحين) ,,, عودان يحطونها الحريم مع الاكل بس مدري وشي و ليش ( اسال امك احسن )
×××××××××××××××××××××××
ملاس ... ننتسب به الغدا
×××××××××××××××××××××××
ننتسب ... اممممم والله البلشه ( نغرف ) تدرون وش معناه والا اعلمكم بعد .....
×××××××××××××××××××××××
مراصيع ,, وفي روايه اخرى رصع ,,, اسالو الحريم ويعلمونكم عنه
×××××××××××××××××××××××
صبيب ! ,,,, انظر اعلاه ,,, هو نفسه بس بطريقه ثانيه
×××××××××××××××××××××××
ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه يسمونه النمر الوردي
×××××××××××××××××××××××
قاف ,,,,, منطقه غير معروفه احتارو فيها اكبر علماء الجغرافيا والتاريخ والفلك والاثار في تحديد مكانها
( ودايمن تقول الام لولدها اذا ازعجاها " رح في قاف " عوافيالله هذي الكلمه عقدت كل البزران دايمن تستخدمها الامهات لتخويف البزران اذا بغو يطلعون للشارع بالليل وتقول ترا بتجيك عوافيالله )
×××××××××××××××××××××××
جغمه ..... جرعه ( ذكرت سابقها .. بس جا على بالي معنى ثاني وكتبته )
×××××××××××××××××××××××
انقلع + اذلف + طس .... فارق (go away)!
×××××××××××××××××××××××
وشذا ... وش ذا ( ماهذا؟ )
×××××××××××××××××××××××
لابد ... مختبأ ( مثلا اخوك زعلان وتقول امك نويصر حمود وينه تقول لابد بذاك )
×××××××××××××××××××××××
سذا زين .... كذا زين؟
×××××××××××××××××××××××
بذاك ... هناك ، فيذاك
×××××××××××××××××××××××
سير السي كسود اندس …… سياره داتسن موديل سي لابد ان يدخل تحتها ليفك السير حقها !
×××××××××××××××××××××××
نخر …. فتحه
×××××××××××××××××××××××
طنب .... ضرب بوري
×××××××××××××××××××××××
بووه مير نيم ... فيه بس نايم
×××××××××××××××××××××××
ام هو بووه ... ( ذولا القصمان البحت اللي يهرجون بسرعه يقولونه ) يعني وين هي فيه !!
×××××××××××××××××××××××
البحت .... الاصليين
×××××××××××××××××××××××
خخخخخخخخخخخخخخخخخخ
وربي الانقليزي اسهل
الله الله بالردود خخخخخخخخخخخ
