طالب متصل على برنامج فيه مشاهير العلماء

السلام عليكم ورحمة الله وبركاته


كيفكـكـم .. شخبـآـآركمـ ...

هذا طالـآــب دق على برنامج

مستضيف نيوتن طبعا تعرفونه << وهل يخفى القمر

وعالم الفيزيا وعالم الكيمياء

المهم شوفوا وش اللي صار

ترى فلللللللللللله



مقدم البرنامج : معنا إتصال من الطالب الكريم
.. السلام عليكم

الطالب : وعليكم السلام ياخي الحين انتم
جالسين تبربرون هنيا
ولا تدرون وش القصة
عطني عطني علماء الفيزياء الي جمبك بالله


عالم فيزياء : هلا والله


الطالب : انت تعال تعال الحين الي معي نيوتن ولا انا غلطان ؟


عالم فيزياء ( نيوتن ) : ايه نعم معك نيوتن ملك الجاذبية


الطالب : جاذبيه تجذبك لجهنم قل آمين .. الحين انت يامال الغنيمة
رجال جالس تحت شجرة طاحت عليك تفاحه ياخي ورى ماتاكلها
وتحمد ربك وتسكت وتريح العالم ياخي ..
جالس تقولي التفاحة ماطاحت فوق ليش
... انت مجنون مجنون انت ..
وبعدين طاحت عليك التفاحه

خلاص ياخي طلع قانون واحد وريحنا مسوي
قلق لنا ياخي ومطلع كتاب كامل
الحين لعنبو بليسك انت ماعندك عيال ماتفكر بالأجيال
القادمة الأجيال القادمة تعقدت منك ياخي ..!



نيوتن : ........................ ( يعني ساكت هع )


الطالب : عطني عطني عالم الرياضيات الي جمبك عطنياهـ .



عالم الرياضيات : مساك الله بالخير



الطالب : الحين انتم فهموني انتم خبلان ولا وش
الحين الطلاسم الي حاطينها لنا ( جا - جتا - ظا - ظتا )
قلة الحيا هذي وش
هاهـ وش فايدتها هذي .. مسويلي مثلثات
ومدري ويش الله يزيلكم انتم ومثلثاتكم ياخي
خافو ربكم ياخي والله عيب ياخي عيب
ياخي انتم تكبرون السالفة وهي قصيرهـ
الرياضيات خلاص جمع طرح قسمة ضرب وخلاص وش قله الحياء هذي ..
عطني عالمكم الكبير فيثاغورس عطنياهـ .



فيثاغورس : هلا والله



الطالب : هلا فيك الحين انت فتحت علينا بابن ماضنيت
انه بينصك يوم انك تحط قانونك حق المثلث
قائم الزاويه ليه قامت عليك
القيامه بلا هاهـ ليه ؟ جاوبني ليه ؟



فيثاغورس : هذا العلم ..!



الطالب : قل قسم .. هذا علم ..! والله احسبه بوفيه
تبيع كبدهـ .. ادري انه علم
انا اقول وراك مسوي فيها ذيب
وجالسلي تكتشف ليه هااهـ ليه



فيثاغورس : عشان نشغل مخنا



الطالب : شغلو عليك منشار ينشرك بلا .. ياخي
وش دخلك في الناس يشغلون مخهم يطفونه
يفصلونه انت وش عليك انت شغل
مخك وبس ولا عليك من الناس ياخي والله
العظيم جالسلي تبربر هنيه ولا تدري وش السالفة
عطني عالم الكيمياء الي جمبك عطنياهـ .



عالم الكيمياء : هلا والله



الطالب : لاهلا ولا مسهلا ابسألك سؤال لو سمحت .. انت ..... ؟


عالم الكيمياء : لا وش دعوى



الطالب : الا الحين انت وش هالقافة الي
فيك مخليتك تشوف الذرة وش مكوناتها
ومدري ويش .. احد شاكيلك ولا شي ياخي
خل كل شي مكانه ياخي ..
عطني عالمكم رذرفورد عطنياهـ



رذرفورد : هلا والله



الطالب : ياخي انت مريض ياخي ياخي خل الناس
في حالها ياخي جالس تفتش الذرهـ
وش مكوناتها وش عليك من الذرة ياخي انت بس
تكتشف وحنا الي ناكلها ياخي حرام عليك ياخي .



رذرفورد : بس ...



الطالب : لايكثر وعطني
عالم النحو الي عندك سيبويه عطنيه



سيبويه : أهلاً وسهلاً بك



الطالب : ويحك ياغبي ألحين انت يوم تسوي
فيها ذئباً وضرغاماً وتجي تقولي
وش الي ينصب المضارع وش الي يجزمه ومدري ويش
لماذا هاهـ أخبرني لماذا هل سندخل
الجنه ان عرفنا اين المضارع واين الماضي اجبني يافتى ؟



سيبويه : لا طبعا



الطالب : اجل مرهـ ثانيه تلايط ولا تسوي فيها ذيب .



مقدم البرنامج : بس انت يعني



الطالب : اقول انتم اظاهر ماتربيتو تبينا نربيكم
بنربيكم جالسينلي هنا تبربرون ..



عالم ( عندهـ واسطه ) : حنا متربين


الطالب : لاماتربيتو لو انكم متربين كان ماسويتو
الي تسوونه .. الحين انتم جالسين فاضين
وكل واحد يشر للثاني هاهـ
ابوفلان نكتشف شي جديد يالله قدام ..
وحنا الي ناكلها يادلوخ


مقدم البرنامج : انت فاهم
الموضوع غلط حنا راح نوضحلك ..



الطالب : طوط طوووط طوووط <<<




وبس

ههههههههههههههه






الموضوع ملتوووووش

لعيونكم ياحلوين